Семеньо Лондон клуби таклифини рад қилди

"Борнмут" вингери Антуан Семеньо қишки трансферлар ойнасида топ клублардан бирига ўтиш эҳтимоли юқори бўлиб турибди. Унга Англия грандлари жиддий қизиқиш билдирмоқда. 

Давид Орнштейн хабар беришича, футболчи "Тоттенхэм"дан келган таклифни рад қилди. Лондонликлар унга катта маош таклиф қилганди. Семеньо "Манчестер Сити" ёки "Манчестер Юнайтед"ни танлаши кутилмоқда. 

Фабрицио Романо Антуаннинг тез орада келажаги борасида бир қарорга келишини таъкидлади. Эслатиб ўтиш лозим, унинг 65 миллион фунт стерлинглик товон пули 10 январгача амал қилади.