Сен клуб тарихида энг катта маошни оласан!

Англия Премьер-лигасида иштирок этаётган “Ньюкасл Юнайтед” клуби швециялик ҳужумчи Александер Исаакни жамоада олиб қолиш учун рекорд даражада маош тўлашга тайёр.

The Times нашри журналисти  Мартин Хардининг маълум қилишича, агар Исаак “қарғалар” сафида қолса, клуб тарихида энг катта маош олгадиган футболчига айланади.

Манбага кўра, “Ньюкасл” моҳир тўпурарга ҳар ҳафта 150 минг фунт стерлинг миқдорида хизмат ҳақи тўлашга ваъда беряпти.

Айни пайтда 25 ёшли ҳужумчига “Ливерпуль”, “Барселона”, “Арсенал” каби машҳур клублар жиддий қизиқиш билдирмоқда.

Швециялик ҳужумчи 2022 йилдан бери “қарғалар” сафида тўп тепяпти. Якунланган мавсумда у барча турнирларда 42 та учрашув ўтказиб, рақиблар дарвозасини 27 марта ишғол қилди ва жамоадошларига олтита голли пас узатди.

Агар  Исаак агар клуб таклифини қабул қилиб, жамоада қолса, клуб тарихида энг катта маош олган футболчига айланади.