Шешко: "Бруну Фернандеш — бу зеҳн"

"Манчестер Юнайтед" ҳужумчиси Беньямин Шешко жамоадоши Бруну Фернандеш ҳақида фикр билдирди. Словениялик футболчидан португалияликни бир сўз билан тавсифлашни сўрашганда, у шундай жавоб берди:

"Зеҳн. У ўйинни доим таҳлил қилади, қаерда туришни, қаерга пас беришни аниқ билади. Уни кузатиш жуда ёқимли", — деди 22 ёшли ҳужумчи.

Шешко ўтган ёзда "РБ Лейпциг"дан "Юнайтед" сафига қўшилган эди. Бруну Фернандеш эса манкуниянлар сафида 2020 йилдан буён ҳаракат қилиб келмоқда.

Бугун соат 21:30'да Рубен Аморим шогирдлари Премьер-лига доирасида "Брайтон"га қарши майдонга тушади.