Шу икки ўйинчи келса, премьер-лигани “ёндирворамиз”!

Football London нашрининг хабар беришича, Англия премьер-лигасининг энг зўр ҳужумкор футболчиларидан бири ҳисобланган Рафинья Диас келаси мавсум олдидан “Челси” сафига ўтиши мумкин.

Бу ўйинчи яқинда “Арсенал”дан бўлган таклифни рад этганига қарамай, охир-оқибат “Лидс”ни тарк этиши кутилмоқда.

Рафинья Диасга “Бавария” ҳам анчадан бери қизиқиш билдириб келаётган эди. Лекин мюнхенликларда “Ливерпуль” ҳужумчиси Садио Манени олиш имкони пайдо бўлганидан кейин улар анча мураккаб ҳисобланган Рафинья трансферидан воз кечди.

Томас Тухель жамоаси ҳужумини Рафинья ва Усмон Дембеле тандими билан кучайтирмоқчи. Франциялик ҳужумкор футболчи ҳам “Барселона”ни тарк этиб, “Челси”га ўтишга яқин турибди.