Симеоне: "Футбол кутмайди – бор-йўғи фақат бугун бор"

"Атлетико" бош мураббийи Диего Симеоне Ла Лиганинг 31-турида "Реал Вальядолид" устидан 4:2 ҳисобида қозонилган ғалабадан сўнг ўйин ҳақида фикр билдирди.

– Биз яхши биламизки, осон ўйинлар йўқ. Ҳаммасини назорат қилиб бўлмайди, буни бугун ҳам кўрдик. Футбол кутмайди – бор-йўғи бугун, бугун, бугун бор. Жамоавий ҳаракатлар туфайли биз голлардан сўнг тўғри реакция қила олдик.

Рикельме ҳақида:

– Рикельме? Ўзи қандай ўйнаганини сўранг. У жуда чаққон ва жамоага керакли нарсаларни бажаришга эътибор қаратади. Мавсумни яхши бошлади, кейинроқ камроқ ўйнади, аммо ҳозир у жамоа учун керакли ишни қиляпти, шу боис майдонда.


 

Хулиан Альварес ҳақида:

– Хулиан жуда зўр мавсум ўтказяпти. Бизга шундай футболчи керак эди. Унинг сифатлари бизга жуда керак. У Ла Лигада 14 та гол урди, лекин биз унга шундай деймиз: "Левандовски кўпроқ урган" (кўз юмди ва кулиб жавоб берди).

Қайта-қайта камбэк қилиш ҳақида:

– "Севилья" билан ҳам шундай бўлди, бугун ҳам. Пенальти, девордан рикошет билан кирган голлар – булар тасодиф. Лекин энг муҳими – жамоанинг реакцияси. Жулиано Симеоне пенальти ишлаб олди, гол урди, кейин яна босимни камайтирдик.

Иккинчи таймни хотиржам бошладик, бу ҳимояда ҳаракат қилувчи жамоа учун қулай. 15 дақиқадан сўнг ўйин ўзгарди – биз хавфлироқ ҳаракат қилдик, масофадан зарбалар бердик ва рақибга ўйинни қийинлаштирдик. Охирги ярим соатда эса ўзимиз истаган натижани қўлга киритдик" - дея таъриф бериб ўтди аргентиналик мутахассис.