Слот “Ливерпуль”ни ЕЧЛдан чиқарворган юлдузни кутяпти

Арне Слотт “Ливерпуль”ни қабул қилиб олганидан кейин Юрген Клоппдан қолган жамоани Англия Премьер-лигаси пешқадамига айлантира олди. Бу мутахассисдан ливерпулликлар Европа Чемпионлар лигасида ҳам ғалаба кутган эди.

Бироқ жамоа қитъанинг энг нуфузли мусобақаси нимчорак финалида ПСЖ майдонидан ғалаба билан қайтганига қарамай, ўз мухлислари кўз ўнгида ўтган жавоб учрашувида устунликни ушлаб қола билмади.

Жавоб баҳсида Усмон Дембеле гол уриб, вазиятни тенглаштирди. Пенальтилар сериясида эса, омад парижликлар томонида бўлди.

Бу беллашувдан кейин Англия гранди Усмон Дембелега жиддий қизиқиб қолди. Улар франциялик ҳужумкор ўйинчини олиш учун парижликларга 100 миллион евро таклиф қилишга тайёр.

ПСЖ 27 ёшли футболчини 2023 йили “Барселона”дан 50 миллион еврога харид қилганди. Париждаги дастлабки йилида Усмон ПСЖнинг ўша даврдаги юлдузи Килиан Мбаппе соясида қолиб кетди.

Жорий мавсум эса, Дембеле ПСЖнинг энг хавфли қуролига айланди. У барча турнирларда 36 та учрашувда қатнашиб, ўз ҳисобига 29 та гол ва олтита ассист ёздириб қўйди.

Франция чемпиони билан яна уч йил давомида этадиган шартномага эга Дембеле Transfermarkt портали томонидан айни пайтда 55 миллион еврога баҳоланаётган бўлса-да, ливерпулликлар ПСЖни трансферга кўндириш учун икки баравар пул тўлашга рози.