Слот: "МЮга ва "Айнтрахт"га қарши ўйинда тўпни назорат қилдик, лекин таблодаги ҳисоб бошқача бўлди"

"Ливерпуль" бош мураббийи Арне Слот АПЛдаги рақибларнинг ўйин услуби ҳақида фикр билдирди.

"Одамлар турли нарсаларга урғу беришади, "Айнтрахт" билан ўйиннинг иккинчи бўлими ва "Манчестер Юнайтед"га қарши учрашувнинг биринчи бўлимини томоша қилинг. Бу иккала учрашувда ҳам ўйинни бир хил назорат қилганмиз. Лекин таблодаги ҳисоб ҳар хил. Ўйинларда биз энг кўп вазиятлар яратябмиз. Лекин аксарият ҳолларда қаршилик кўрсатамиз деб гол ўтказиб юборяпмиз. "Айнтрахт"га қарши ўйинда 3:1 ҳисобида олдинда бораётганимизда рақибда гол уришга вазиятлар бўлмади. 

Бу мавсумда асосий фарқ рақибларнинг услубларида. Биз АПЛнинг дастлабки еттита ўйинда 178 та узун пас узатдик. Кейин МЮ га қарши учрашувда эса 59 та шунақа пас амалга оширдик", - деди нидерландиялик мутахассис.

Маълумот учун, ҳозирда Слот бошчилигида "Ливерпуль" клуби 8 та учрашувда 15 очко жамғарган ҳолда турнинг жадвалида учинчи ўринда кетмоқда. Улардан юқорида "Манчестер Сити" 16 очко  билан иккинчи поғонани банд қилиб турган бўлса, Артета шогирдлари 19 очко билан пешқадамлик қилмоқда.