Сульшер МЮни қаттиқ танқид қилди

“Манчестер Юнайтед” бош мураббийи Сульшер Чемпионлар лигасида “Лейпциг”га 2:3 ҳисобида мағлуб бўлиб, гуруҳдан чиқа олмаган шогирдларини танқид қилди.

- Биз яхши ўйнадик, дейишга ҳаққимиз йўқ. Биз гуруҳдан чиқишга лойиқ эмасмиз. Истанбулдаги мағлубият ҳам ўз таъсирини ўтказди. “Истанбул Башакшехир”га қарши ўйинда очко йўқотмаслигимиз керак эди. Бугун ҳам дурангга яқин эдик, лекин рақибга кучимиз етмади, - деди Сульшер.

Энди манчестерликлар “кўҳна қитъа”нинг иккинчи мусобақаси – Европа Лигасининг плей-оффида қатнашади.