Сульшер орзусидаги футболчини оляпти

“Манчестер Юнайтед” раҳбарияти Сульшер анчадан бери кўз тикаётган Пау Торрес трансфери учун сармоя ажратишга қарор қилди.

Манчестерликлар испаниялик марказий ҳимоячи трансферига 40 миллион фунт ва бир неча футболчи сотувидан келадиган маблағларни йўналтиради.

Бундан ташқари, инглизлар Торреснинг нархини 50 миллион еврога баҳолаган “Вильярреал”га трансфер доирасида ўз ҳимоячиси Эрик Байини ҳам таклиф қилишни режалаштирмоқда.

Агар “Манчестер Юнайтед” мутасаддилари Торрес билан келиша олмаса, жамоага “Севилья” ҳимоячиси Жюль Кунде ёки “Лестер” вакили Чағлар Суюнжуни таклиф қилади.