Суперклубда катта йўқотиш

Жорий мавумда Англия Поемьер-лигаси ғолиблигига асосий даъвогарлардан бири сифатида эътироф этилаётган “Арсенал” чемпионат бошидаёқ катта йўқотишга учради.

Таниқли журналист Дэвид Орнштейнинг тасдиқлашича, жамоанинг германиялик ҳужумчиси Кай Хаверц тиззасидан жароҳат олган.

Тез орада клуб тиббиёт хизмати ходимлари ўйинчини кўрикдан ўтказиб, жароҳат даражаси ва тикланиш муддатини аниқлайди. Бироқ клуб мутасаддилари ҳозирдан бошқа ҳужумчи қидиришга киришгани жароҳатнинг жиддийлигидан далолат бермоқда.

26 ёшли легионер ўтган мавсумда 36 та ўйинда иштирок этиб, рақиблар дарвозасини 15 маротаба ишғол қилган ва жамоадошларига бешта голли пас узатган эди. Хаверц ўтган гал ҳам жароҳатлар туфайли 20 дан ортиқ учрашувни ўтказиб юборишга мажбур бўлган.