Суперлига. Легионерларнинг голлари "Пахтакор"ни пешқадамлар қаторига қайтарди

Суперлига 10-туридан ўрин олган "Локомотив" - "Пахтакор" учрашуви ниҳоясига етди. Унда меҳмонлар 2:0 ҳисобида ғалаба қозонди.

Ўйинда голларга Черан ва Шаркич муаллифлик қилди. Мезбонлар бугун майдонни голсиз тарк этадиган бўлди. 

Мазкур натижадан сўнг "Пахтакор"нинг очколари сони 17 тага етди. "Шерлар" айни пайт турнир жадвалида 2-ўринни эгаллаб турибди.

"Локомотив" ҳисобидаги очколари сони 12 талигича қолди. "Темирйўлчилар" ҳозирча жадвалнинг 8-поғонасидан жой эгаллаган.