Суперлига. "Насаф" Самарқанддан йирик ҳисобдаги ғалаба билан қайтадиган бўлди

Ўзбекистон Суперлигаси 11-туридан қолдирилган "Динамо" - "Насаф" учрашуви якунига етди. Қизиқарли ва голларга бой ўтган беллашувда қаршиликлар йирик 4:0 ҳисобида ғалаба қозонди. "Аждарлар"нинг ўйиндаги илк голига жамоага янги қўшилган легионер Ален Масович муаллифлик қилган бўлса, кейинчалик Ҳусайн Норчаев пенальтидан гол киритиб, ҳисобни 2:0 кўринишига келтириб қўйди. Шунингдек, Дилшод Саитов ва Ғолиб Ғайбуллаев ҳам биттадан гол киритишни уддалади. Шу тариқа баҳс "Насаф"нинг йирик ғалабаси билан якунланди.