"Сурхон" 4 нафар футболчиси билан шартномани узайтирди

Сурхон ПФК жамоанинг бир қатор асосий футболчилари билан шартнома узайтирмоқда. Бу сафар ҳужумчи Муҳаммад-Али Абдураҳмонов ҳамда ҳимоячи Беҳруз Шайдулов билан шартнома узайтирилди. Ҳар иккала футболчининг шартномаси 2026 йилнинг охиригача мўлжалланган.

Ўтган мавсумида Абдураҳмонов барча мусобақаларида 25 та учрашувда майдонга тушиб, гол+пас тизими бўйича 9 очко (7+2) ишлаб олди

Шайдулов эса жамоа тарихида рекордчи ҳисобланади. Ҳозирги таркибда айнан Шайдулов олий лигада энг кўп учрашув ўтказган – 132 та ўйин

Булардан ташқари, таянч ярим ҳимоячи Беҳзод Шамсиев ва ярим ҳимоячи Диёр Рамозонов билан ҳам шартнома узайтирилди. Ҳар иккала футболчининг шартномаси 2026 йилнинг охиригача мўлжалланган.