Тен Ҳаг: “Ишонинг, биз ҳаракат қилмоқдамиз”

“Манчестер Юнайтед”ни Криштиану Роналду тарк этганидан сўнг, клубга тўпурар керак. Сабаби, “қизил иблислар” Премьер-Лиганинг 14 та ўйинида 20 та гол урди. Бу ҳамшаҳарларидан икки баробар кам дегани(“Манчестер Сити”да 40 та гол). Жамоанинг тўпурари Рэшфорднинг ҳисобида 4 та гол мавжуд. Футболчи чемпионатда тўпурарлар рўйхатида 22-ўринни банд қилиб турибди.

Бош мураббий Эрик Тен Ҳаг қишда ҳужумчи сотиб олинишини айтди. Унга страйкер қидираяпсизми деган саволга қуйидагича жавоб берди.

“Ҳа, лекин бизга керакли ўйинчини топганимизда. Қўлимиздан келган барча ишни қилмоқдамиз”, - деди 52 ёшли мутахассис.

Тен Ҳагга Коди Гакпо ҳақида савол беришганда у шундай деди:

“Мен аниқ футболчилар ҳақида жавоб бера олмайман. Унинг шартномаси бор ва мен буни ҳурмат қиламан. Аммо ишонинг, биз керакли футболчи сотиб олишга ҳаракат қилмоқдамиз”

“Манчестер Юнайтед” Рамуш трансферига ҳам қизиқаётгани ҳақида миш-мишлар пайдо бўлмоқда. Футболчи мундиалнинг Швейцарияга қарши чорак финал баҳсида хет-трик қилишга муваффақ бўлганди.