Тер Штеген: "Ҳаммаси нормал кетаётганди..."

Ла Лига 11-туридан ўрин олган "Барселона" - "Реал" баҳси якунига етди. Мазкур беллашувда меҳмонлар 1:2 ҳисобидаги ғалабани қўлга киритди. 

Беллашувдан сўнг каталонияликлар посбони Марк Андре Тер Штеген ўз фикрларини билдирди. 

"Омадсизлик. Биз яхши старт олдик ва ҳаммаси нормал кетаётганди. "Реал"дек жамоаларга қарши ўйинда гол уриш учун кўп имкониятлар керак эмас. Улар бугун шуни исботлади.

Рақиб футболчиларига баҳо бермоқчи эмасман. Аммо Жуд Беллингем икки гол урди ва "Реал" учун ўйинни ўзгартириб берди", - деди германиялик дарвозабон.