Тожикистонлик Эхсони Паншанбе яна Ўзбекистонга қайтди

"Сўғдиёна" клуби Тожикистон миллий терма жамоаси етакчиларидан бири - Эхсони Паншанбени ўз сафига қўшиб олганини эълон қилди.

25 ёшли ярим ҳимоячи жиззахликлар билан бир йиллик шартнома имзолади.

Паншанбе 2024 йилда Тожикистоннинг "Истиқлол" сафида 25 та ўйинда майдонга тушиб, 6 та гол урди ва 10 та голли узатмани бажарди.

Тожикистон миллий терма жамоасида эса ҳозиргача 56 та учрашувда 5 та гол урган.

Мухлисларимиз уни "Навбаҳор"даги фаолияти орқали яхши эслаб қолишган. Эндиликда Эхсони "Сўғдиёна"нинг янги аъзосига айланди.

Эхсони "Навбаҳор"дан ташқари Тожикистоннинг "Бракчи" ва Эроннинг "Зоб Ахан" клубида ҳам тўп сурган.