"Тоттенхэм" фаолиятини якунлаган дарвозабон билан шартнома имзолаши мумкин

"Тоттенхэм" асосий дарвозабон Уго Льориснинг жароҳати сабаб  янги посбон изламоқда.

"Daily Mirror" нашри хабарига кўра, Лондон клуби 39 ёшли Бен Фостерга мурожаат қилиши мумкин. Сентябрь ойида дарвозабон бир неча ой клубсиз қолганидан сўнг фаолиятини якунлаганини эълон қилди.

"Шпорлар" Фостерни эркин агент сифатида қўлга киритиши мумкин. Бироқ клуб уни таркибга қўшиш учун премьер-лигадан махсус рухсат олиши керак.

Англиялик посбон бутун фаолияти давомида фақат Англияда ўйнаган. У энг кўп "Вест Бромвич" (223) ва "Уотфорд" (207) сафида майдонга тушган.

Эслатиб ўтамиз, Антонио Конте шогирдлари ҳозирда АПЛ турнир жадвалида 5-ўринда бормоқда.