У "Барселона"га қайтмайди

Франциялик марказий ҳимоячи Жан-Клер Тодибо "Барселона"га қайтмайдиган бўлди. Бу ҳақда Eurosport.fr нашри хабар тарқатмоқда.

Юқоридаги манбага кўра, 21 ёшли футболчини январда ижарага олган "Ницца" унинг трансферини тўлиқ сотиб олишга қарор қилган. Бу эса француз клубига 8 миллион еврога тушади.

Тодибо мавсумнинг иккинчи қисмида “Ницца” сафида 16 та ўйин ўтказди ва 1 та голга муаллифлик қилди.

"Барселона" Тодибони 2019 йилнинг январида 1 миллион еврога сотиб олган эди. У ўтган давр мобайнида каталонияликлар сафида бор йўғи 5 та ўйинда майдонга тушди холос.