У Мбаппе билан ўйнашни истамади

“Челси” ҳужумчиси Ромелу Лукакуга жиддий қизиқиш билдирган ПСЖ бельгиялик ўйинчидан қуруқ қолди. Маълумотларга қараганда, парижликлар Килиан Мбаппе атрофида кучли ҳужумчиларни тўплашга ҳаракат қилмоқда.

Лукаку ўз олдига “Интер”га қайтиш мақсадини қўйган. Шу боис, у бошқа бирор клуб таклифини қабул қилаётгани йўқ.

“Челси” раҳбарияти ҳам рекорд суммага олинган, лекин ишончни оқламаган қимматбаҳо ўйинчидан тезроқ қутилишга ҳаракат қиляпти.

“Интер” собиқ ўйинчисини сотиб олиш учун етарли пул топиши қийин. Мутахассислар миланликлар Лукакуни ижара асосида қўлга киритиши мумкинлигини таъкидламоқда.