"У Роналдиньодан кучли!"

Франциялик ярим ҳимоячи Ясин Адли ҳозирда Саудиянинг "Ал-Ҳилол" клуби шарафини ҳимоя қилаётган бразилиялик ҳужумчи Неймарнинг футболдаги иқтидори ҳақида ўз фикрлари билан ўртоқлашди.

“Неймарнинг ПСЖдаги ўйини ақл бовар қилмас эди. Мен бундай футболчини ҳеч қачон учратмаганман. Неймар жуда зўр. У Роналдиньодан кучлироқ. У Криштиану Роналду ва Лионель Мессидан бироз пастроқ холос” - деди мавсумни "Фиорентина"да ижарада ўтказаётган "Милан" футболчиси.

Неймар 2023 йилнинг ёзида ПСЖдан “Ал-Ҳилол”га кўчиб ўтган эди. 32 ёшли бразилиялик футболчи ва Саудия клуби ўртасидаги шартнома 2024/25 йилги мавсум сўнггида ўз ниҳоясига етади. Трансфермаркт маълумотларига кўра, Неймарнинг трансфер нархи 30 миллион еврони ташкил қилади.