"Валенсия" ўзининг содиқ мухлиси номини абадийлаштирди

Испаниянинг “Валенсия” клуби ўзининг содиқ мухлиси Висенте Апарисио хотирасини абадийлаштиришга қарор қилди.

Таъкидлаш керакки, Апарисио кўзи ожиз бўлишига қарамай 40 йил давомида доимий равишда “Валения”нинг уй ўйинларига ташриф буюрган. Уни стадионга олиб келган ўғли эса унга майдонда бўлаётган воқеаларни гапириб турган.

“Кўршапалаклар” раҳбарияти Апарисионинг ўлимидан икки йил ўтиб жамоанинг уй стадиони ҳисобланган “Месталья”да ёдгорлик ҳайкали ўрнатди. У ўйингоҳнинг 15-қатор 164-ўриндиғига жойлаштирилди.