Вальехо Роналдудан кўплаб нарсаларни ўргангани ҳақида гапирди

"Реал Мадрид"ни яқинда тарк этган Хесус Вальехо собиқ жамоадоши Криштиану Роналду ҳақида фикр билдирди.

"Криштианунинг клубдан кетиши унинг майдондаги катта рўли сабаб, жамоамиз учун жуда қийин бўлди. У нафақат майдонда, балки майдон ташқарисида хам етакчи эди.

Мен унинг кундалик одатларидан айримларини ўзлаштиришга ҳаракат қилдим. Роналду кийиниш хонасига жуда барвақт келарди. Машғулотларда ҳаммадан кўп меҳнат қиларди ва бунинг натижасини майдонда кўрсатар эди. У қачон бор кучини ишлатишни ва қачон куч тежашни жуда яхши биларди. Бу жиҳатдан ҳақиқий профессионал эди" - дея таъриф бериб ўтди

Эслатиб ўтамиз, Роналду 2018 йилда Чемпионлар лигаси финалидан сўнг Мадрид клубини тарк этишини эълон қилган эди. Вальехо эса ҳозирда "Альбасете" шарафини ҳимоя қилмоқда.