Хамес ортидан "Реал"нинг яна бир собиқ футболчиси Анчелотти клубига ўтиши мумкин

"Ювентус" ярим ҳимоячиси Сами Хедира фаолиятини Англияда давом эттириши мумкин, дея хабар бермоқда Daily Mirror.

33 ёшли германиялик футболчи "Эвертон" бош мураббийи Карло Анчелотти билан бўлажак трансфер масалаларини муҳокама қилиб олди. Италиялик мутахассис "Реал"да бир неча мавсум бирга ишлаган хавбекни ўзининг олдига чақирмоқда.

Жорий мавсумда Хедира туринликлар сафида майдонга тушгани йўқ. Унинг клуб билан шартномаси 2021 йил ёзида якунига етади.

Transfermarkt.com портали футболчининг трансферини 4 миллион еврога баҳоламоқда.