Хави: "Ламин Ямал "Олтин тўп"га лойиқ футболчи"

"Барселона"нинг собиқ бош мураббийи Хави шогирди Ламин Ямал ҳақида фикр билдирди.

– Бу гал жамоавий совринлар ҳал қилувчи омил бўлди. Менимча, албатта, у "Олтин тўп"га лойиқ эди. Витинья, Салоҳ, Педри ва Рафинья ҳам унга муносиб эди... Кўп футболчилар сазовор бўлишлари мумкин эди, аммо охирида Дембеле ютган совринлар вазнлироқ бўлиб чиқди.

Ламин албатта олади, мен бунга ишонаман, аммо жамоаси Чемпионлар лигасини ёки Жаҳон чемпионатини ютганда.

– Унга дебют берган пайтингизда шундай улкан сакраш кута олганмисиз?

– Ҳа, шубҳасиз. Биз штабда бундан аввал ҳам гапирганмиз. "Олтин тўп" учун салоҳият борлигини айтгандик. Унинг машғулотларини кузатар эканмиз, айрим жиҳатлар дарров кўзга ташланарди. Тезда англайсизки, у танланганлардан бири", – дея таъриф бериб ўтди испаниялик собиқ футболчи.