"Хетафе" мураббийи: "Винисиус юзини ушлаб, воқеани ортиқча бўрттирди"

"Хетафе" бош мураббийи Пепе Бордалас "Реал"га қарши (0:1) ўйинда Аллан Ньомнинг майдондан ҳайдалишига муносабат билдирди.

Кечаги учрашувнинг 77-дақиқасида Ньом Винисиус билан тўқнаш келиб, қўлини чўзган ҳолда унинг юзига тегди. Бразилиялик футболчи ерга йиқилди ва ҳакам Хосе Мунуэра Монтеро дарҳол қизил карточка кўрсатди — ҳолатни видеотакрор орқали кўриб чиқмади.

"Мен захира ҳаками асосий ҳакамга қизил карточка бериш кераклигини айтганини эшитдим. У жуда яқинда турарди.

Биз бу жазо ортиқча деб ҳисоблаймиз. Бу жиддий фол, аммо сариқ карточка билан чекланиш мумкин эди. Винисиус юзини ушлаб, воқеани ортиқча бўрттирди, натижада Ньом адолатcиз тарзда майдондан четлатилди", — деди Бордалас.