Ямал “Барса”га суперфутболчи танлаб берди

“Барселона”нинг энг ёрқин юлдузларидан Ламин Ямал ҳозирги таркибга қайси футболчини қўшиш кераклиги ҳақидаги саволга жавоб берди.

- Агар “Барселона”га фақат биттагина футболчи қўшиб олиш имкони бўлса, кимни танлардим? Ҳаммангиз бу саволга Неймар, деб жавоб беришимни кутяпсиз. Лекин мен Жамол Мусиалани танлардим... Афсуски, унинг шартномаси бор, - деди Ямал.

Таъкидлаш жоизки, “Барселона” ҳақиқатан ҳам Жамол Мусиалани трансфер қилиш имкониятларини ўрганиб чиқаётган эди. Бироқ 21 ёшли плеймейкер бир неча кун аввал Мюнхен суперклуби билан амалдаги шартномасини 2030 йилнинг ёзигача узайтирди.

Ўз навбатида, Ламин Ямалнинг каталонияликлар билан ҳамкорлик битими 2026 йилнинг 30 июнида якунланади. Лекин испан футболчиси бир неча ойдан кейин 18 ёшга тўлади ва клуб ўз тарбияланувчиси билан узоқ муддатли шартнома тузади.