Ямал энг зўр ўйнаётган икки футболчи номини айтди. Улар Месси ҳам, Роналду ҳам эмас

“Барселона” етакчиси Ламин Ямал ўзининг жамоадошларидан ташқари энг ёқтирган икки футболчиси ким экани ҳақидаги саволга жавоб берди.

- “Барселона” вакилларини инобатга олмасак, айни пайтда энг зўр ўйнатган футболчилар Усмон Дембеле ва Букайо Сакадир, - деди 17 ёшли испан футболчиси.

Маълумки, Усмон Дембеле ПСЖ етакчиси ҳисобланади. Парижликларнинг Чемпионлар лигаси финалига чиқиши ва Франция чемпионатида чемпион бўлишига жуда катта ҳисса қўшди.

Букайо Сака эса, “Арсенал” ҳужумчиси ҳисобланади. Бироқ унинг ҳаракатлари “канонирлар”га Англия Премьер-лигасида ва Чемпионлар лигасида муваффақиятни таъминлай олгани йўқ.