Ямал қачон сафга қайтади?

"Барселона" ҳужумчиси Ламин Ямал сентябрь ўрталарида олган жароҳатидан аста-секин соғаймоқда.

Маълумотларга қараганда, 18 ёшли футболчи тўп билан машғулот ўтказишни бошлаган ва жароҳатдан тузалиш жараёни тезлашмоқда. Ямал Лалиганинг 6-туридан ўрин олган "Реал Овеьдо"га қарши баҳсни ўтказиб юборади. Бироқ 28 сентябрь кунги "Реал Сосьедад"га қарши учрашувда майдонга тушиши кутиляпти. Жамоанинг асосий мақсади Ямални Чемпионлар лигаси умумий босқич 2-турида ПСЖга қарши ўйинга тайёр бўлишини таъминлаш ҳисобланади. 

Маълумот учун, Ямал 22 сентябрда бўлиб ўтган "Олтин тўп" маросимида мавсумнинг энг яхши ёш футболчиси деб тан олинди.