Ёзда кетган Модрич, тезда “Реал”га қайтади

Хорватиялик “Олтин тўп” соҳиби Лука Модрич ёзда “Реал” билан шартномаси тугаганидан кейин эркин агент мақомида Италиянинг “Милан” жамоасига кўчиб ўтган эди.

Defensa Central нашрининг ёзишича, Модрич яна “Қироллик клуби”га қайтиши мумкин. Манбага кўра, тажрибали плеймейкер профессионал фаолиятини якунлаганидан кейин мураббийлик лицензиясини олади ва “Реал” таркибидаги академиялардан бирида ёш ўйинчилар билан ишлайди.

40 ёшли футболчининг миланликлар билан амалдаги шартномаси 2026 йилнинг 30 июнига қадар давом. Катта эҳтимол билан Модрич ёзда футболчилик фаолиятини тўхтатади.

Лука Модрич “Динамо Загреб” тарбияланувчиси ҳисобланади. Кейинчалик Босния ва Герцеговинанинг “Зринськи”,  Хорватиянинг “Интер Запрешич”, Англиянинг “Тоттенхэм” клубларида ўйнаган.