"Ёзда "Сити"дан кетаман"

Ёзда "Манчестер Сити"да жиддий таркибий ўзгаришлар бўлиши кутилмоқда. Бу жараённинг бир қисми ярим ҳимоячи Бернарду Силванинг жамоадан кетиши бўлиши мумкин.

"Football Insider" нашрининг хабар беришича, 30 ёшли футболчи "Манчестер Сити"ни тарк этиб, Премьер-лигадан ташқаридаги чақирувни қабул қилиш истагини билдирган. Португалиялик футболчи "шаҳарликлар" сафидаги даврини якунланган деб ҳисобламоқда.

Таъкидланишича, Бернарду Силва янги жамоа топишда қийинчиликка дуч келмайди. Ярим ҳимоячига Испания, Португалия ва Саудия Арабистони клублари қизиқиш билдирмоқда.

Нуфузли Transfermarkt портали Бернарду Силванинг қийматини 45 миллион евро деб баҳоламоқда.