“Ювентус” Лондон клуби етакчисига даъвогарлик қилмоқда

"Ювентус" клуби "Челси" ярим ҳимоячиси Жоржиньога қизиқиш билдирмоқда.

“PA Media” нашри хабарига кўра, Турин клуби ярим ҳимоячи Адриен Рабьони "Манчестер Юнайтед"га сотганидан кейин италиялик футболчининг трансферини амалга оширишга ҳаракат қилади. Аввалроқ, Рабьо ва “Манчестер Юнайтед” шартнома шартларини келишиб олгани маълум бўлганди.

Жоржиньо ўтган мавсумда “Челси” сафида АПЛ доирасидаги 29 та ўйида майдонга тушиб, 6 та гол ва 2 та голли узатмани амалга оширди.