"Ювентус" ярим ҳимоячиси "Лидс"га ўтишга яқин

Туриннинг "Ювентус" ярим ҳимоячиси Уэстон Маккенни Англиянинг "Лидс" клуби футболчисига айланиш арафасида. Инсайдер Фабрицио Романонинг хабар беришича, 24 ёшли америкалик Англияда тиббий кўрикдан ўтган.

Маккеннининг "товуслар" билан расмий шартнома имзолагани ҳақида хабар яқин кунларда эълон қилинади.

Ярим ҳимоячи туринликлар жамоасида 2020 йилнинг куз фаслидан бери тўп тепади. 2 йилдан ортиқ вақт давомида америкалик "кекса сеньора" клуби сафида 96 та ўйин ўтказиб, 13 та гол ва 5 та голли узатма муаллифи бўлган.

Маълумот учун, нуфузли "Transfermarkt" портали Уэстонни 21 миллион еврога баҳоламоқда.