Забарний: "ПСЖдаги дебютим кутганимдек бўлди"

Топ-5 чемпионатлар бирин-кетин старт олмоқда. Кеча тунда Лига1нинг амалдаги чемпиони ПСЖ ҳам биринчи ўйинини ўтказди ва "Нант" устидан Витиньянинг ягона голи эвазига 1:0 ҳисобида ғалаба қозонди. Учрашувдан сўнг жамоага янги келиб қўшилган ҳимоячи Илья Забарний дебют учрашувдаги тассуротлари ҳақида гапириб ўтди.

"Албатта, бу ерда ҳамма нарса бошқача, лекин менга ҳаммаси ёқябди. Тўпни назорат қиладиган жамоада ўйнашни яхши кўраман. Мен учун дебютим ўйлаганимдек бўлди. Ўзимни анча яхши ҳис қилдим. Мухлислар стадионда бўлгани хар доим куч беради ва уларнинг бутун ўйин давомида қўллаб-қувватлаши сезилиб турарди ва тинмай қўшиқ куйлашарди. Бу ерда эканимдан жуда хурсандман, жамоанинг барча аъзолари ҳар куни менга ёрдам беришига ҳаракат қилмоқда", - дея таъриф бериб ўтди украиналик ҳимоячи.

Маълумот учун, парижликлар 22 ёшли футболчини "Борнмут"дан 63 миллион евро эвазига сотиб олган эди. Ҳимоячи кечаги ўйинда тўлиқ ҳаракат қилди ва "Sofascore" томонидан 7.3 баллга лойиқ кўрилди.