9 киши бўлиб қолган "Рома" "Милан"га мағлуб бўлди

А Серия 20-туридан ўрин олган "Милан" - "Рома" учрашуви якунига етди. Мазкур баҳсда "россонерилар" 3:1 ҳисобида рақибдан устун келди. 

Дастлаб, Жиру 8-дақиқада пенальтидан гол уриб, ҳисобни очди. 17-дақиқада Мессиас орадаги фарқни иккитага етказиб қўйди. Биринчи бўлим сўнггига яқин Абрахам рақиб дарвозасини ишғол этди. 82-дақиқада Леао ҳам ўз номини таблога ёздириб қўйди. Шунингдек, учрашув сўнггида Ибрагимович пенальтидан унумли фойдалана олмади. 

Шундай қилиб, очколарини 45 тага етказиб олган "Милан" 2-ўринни мустаҳкамлаб олди. 32 очкоси бор "бўрилар" 7-поғонани банд этган. 

Қайд этиш лозим, мазкур беллашувда Жанлука Манчини ва Рик Карсдорп қизил карточка олиб, майдонни тарк этди. 

• 90+5'
  

  Учрашув якунига етди. Мазкур ўйинда "Милан" "Рома"ни 3:1 ҳисобида таслим этди. 

• 90+4'

  Ибрагимович пенальтини голга айлантира олмади. 

• 90+4'
  

  "Рома" дарвозаси томон пенальти белгиланди. Манчини Леаога нисбатан қўпол ўйнади ва қизил карточка олиб майдонни тарк этди. 

   

• 90+2'
  

  Дарвоқе, ўйиннинг асосий вақтига 4 дақиқа қўшиб берилди. 

• 90+1'
  

  Ибрагимович ўйиндан ташқари ҳолатда қолиб кетди. 

• 89'
  

  Брахим Диас ўрнига Даниель Мальдини майдонга тушди.

• 85'
  

  Кристанте ҳакам томонидан огоҳлантирилди. 

• 82'
  

  ГООООООООЛ! Леао Ибрагимовичнинг ажойиб пасидан сўнг ҳисобни 3:1 кўринишига келтириб қўйди. 

• 79'
  

  Ибрагимович Жиру ўрнига майдонга тушди. 

• 77'

  Шомуродов Абрахам ўрнига майдонга тушди. 

• 75'
  

  Карсдорп Теони ўйин қоидасини бузиш эвазига тўхтатиб қолди. Ҳакам унга иккинчи сариқ карточкани кўрсатди ва у майдонни тарк этди. 

• 71'

  "Милан" позицион ҳужумга ўтишга ҳозирлик кўрмоқда. 

• 69'

  Карсдорп рақибга нисбатан қўпол ўйнади. "Милан" жарима зарбаси тепиш имкониятини қўлга киритди. 

• 67'

  Мессиаснинг олисдан йўллаган кучли зарбасига аниқлик етишмади. 

• 67'

  Браим Диас жарима майдони ичида тўпни тўхтатиб олиб, зарба йўллади, аммо бироз ноаниқ. 

• 64'
  

  "Милан" таркибида ўзгариш. Салемакерс ўрнига Леао, Крунич ўрнига Бакайоко майдонга тушди. 

• 61'

  Меньян кетма-кет йўлланган иккита зарбани қайтарди. 

• 59'

  Абрахамнинг олисдан йўллаган аниқ зарбасини Меньян қайтариб юборди. 

• 56'
  

  Крунич қарши ҳужумга ўтаётган "Рома" футболчисини қўполлик эвазига тўхтатиб қолди ва сариқ карточка билан жазоланди. 

• 54'

  Тўп учун курашда Винья Мессиасга ютқазиб қўйди. 

• 52'

  Браим Диаснинг олисдан йўллаган зарбаси дарвоза тўсинига тегди. 

• 51'

  Жамоалар иккинчи таймда эҳтиёткорлик билан ҳаракат қилмоқда. 

• 49'

  Заньолонинг чап қанотга берган пасига аниқлик етишмади ва тўп майдонни тарк этди.

• 46'
  

  Иккинчи бўлимга старт берилди. 

• 45+5'
  

  Биринчи бўлим якунига етди. Ҳозирча "Милан" 2:1 ҳисобида "Рома"дан устун келмоқда. 

• 49'

  Заньоло рақиб жарима майдони ичида йиқилиб тушди, аммо пенальти эмас. 

• 48'

  Карсдорп юзидан жароҳат олди. У майдон четида тиббий ёрдам олмоқда. 

• 46'
  

  Биринчи бўлимнинг асосий вақтига 5 дақиқа қўшиб берилди. 

• 43'

  Футболчилар ўртасида келишмовчилик юзага келди. 

• 40'
  

  ГООООООООЛ! Абрахам олисдан йўлланган зарбага оёқ қўйди. Тўп йўналиши кескин ўзгариб, дарвозабонни чалғитди ва "Милан" дарвозасидан жой олди. 

• 39'
  

  Майк Меньян "Рома" футболчисининг кучли зарбасини қайтарди. 

• 38'

  Мессиас Виньяни чиройли финт эвазига ортда қолдирганди, бироқ Матис ўйин қоидасини бузиб, рақибни тўхтатиб қолди. 

• 35'

  "Рома" қарши ҳужумга ўтиб кетганди, бироқ Заньоло кўп ўйлаб юборди ва якунда "бўрилар" тўпни йўқотди. 

• 33'

  Майдон марказида "Рома" футболчисига нисбатан ўйин қоидаси бузилди. 

• 30'

  Теонинг олисдан йўллаган зарбасига аниқлик етишмади. 

• 29'

  Мессиас жарима майдончаси ичида ноқулай ҳолатда туриб, зарба йўллади, аммо бироз ноаниқ. 

• 27'

  "Милан" "Рома" жарима майдонида тезкор паслар билан ҳимоячиларни шошириб қўйди. Сўнгги зарба Жиру томонидан йўлланди. Португалиялик посбон ўз ўрнида. 

• 25'

  Абрахамнинг узатмасидан сўнг Заньоло яхши вазиятга чиқиб борди. Унинг зарбаси дарвозабон томонидан қайтарилди. 

• 23'

  Ғалаба қозонаётган "Милан" рақиб жарима майдони атрофида майда паслар билан тўпни эгаллаб турибди.

• 20'

  Ўйин темпи бироз пасайди. 

• 17'
  

  ГООООООООООЛ! ҳимоячиларнинг хатосидан сўнг Жиру дарвозабон билан яккама-якка ҳолатга чиқиб борди. Унинг зарбаси устунга тегиб Мессиасга келиб тушди. Бразилиялик тўпни дарвозага жойлаб қўйди. 

• 15'

  "Рома" тўп назоратини тўлиқ ўз қўлига олди. 

• 12'

  Майдон марказида "Милан" футболчиси Мхитарянга нисбатан ўйин қоидасини бузди. 

• 10'

  Салемакерс майдон марказида тўпни йўқотди. "Рома" позицион ҳужумга ҳозирлик кўрмоқда. 

• 8'
  

  ГОООООООЛ! Жиру пенальтидан гол уриб, "Милан"ни ҳисобда олдинга олиб чиқди. 

• 7'
  

  "Рома" дарвозаси томон пенальти белгиланди. Шунингдек, Абрахамга сариқ карточка кўрсатилди. У жарима майдончаси ичида тўпни қўли билан ўйнади. 

• 6'
  

  Ҳакам ВАРга мурожаат қилмоқда. "Рома" дарвозаси томон пенальти белгиланиши мумкин. 

• 5'

  Тео Эрнандеснинг олисдан йўллаган зарбасини Руи Патрисиу қайтарди. 

• 4'

  "Россонерилар" яқин масофадан жарима зарбаси тепиш имкониятини қўлга киритди. Тўп ёнида Тонали. 

• 2'

  "Милан" майда паслар билан тўпни эгаллаб турибди. 

• 1'
  

  Ўйинга старт берилди. 

• 0'

  Жамоалар майдонга тушиб кетди. Ўйин бошланишига ҳамма нарса тайёр. 

• 0'

  Бироздан сўнг А Серия 20-туридан ўрин олган "Милан" - "Рома" учрашуви старт олади. Мазкур баҳс олдидан жамоаларнинг асосий таркиблари билан танишинг.