АГМК -

Бироздан сўнг Ўзбекистон Кубоги ярим финалидан ўрин олган АГМК - "Насаф" учрашуви старт олади. Мазкур баҳсдан матнли трансляцияни сайтимиз  орқали кузатиб боринг! 

АГМК

    Ўзбекистон кубоги 1/2 финал

    24/11/2021 14:30

    0
    :
    2
    Тугади

    Насаф

    • Алибек Давронов 94'
    • Андрия Калудерович 120+4'

    Стадион: ОКМК СМ, 4003 томошабин

    Бош ҳакам: Раҳим Каримов

    45'
    90'
    120'


    • 120+9'

      Учрашув якунланди. 1 киши кам бўлиб ўйнаган "Насаф" драматик учрашувни ғалабани илиб кетди.

    • 120+8'

      АГМК сўнгги сонияларни олдинги чизиқда ўтказмоқда.

    • 120+6'

      ГОООООООООООООЛ! "Насаф" ҳисобни 2:0 кўринишига келтирди!

      Нуқта қаршисига келган Калудерович дарвозани ишғол этди.

    • 120+3'

      Ҳакам билдирилган жиддий эътироз учун АГМК бош мураббийи Миржалол Қосимовга қизил карточка кўрсатди.

    • 120+2'

      ЙЎҚ!!! Бироз аввал Манноновга нисбатан жарима майдони ичида қоида бузилган, деб топилди ва АГМК дарвозасига пенальти белгиланди.

    • 120+1'

      ГОООООООООООООООЛ! АГМК ҳисобдаги фарқни йўққа чиқарди!

      Дилшод Аҳмадалиевнинг чап оёқда берган зарбаси дарвоза тўридан жой олди.

    • 120'

      Жўрабек Маннонов бирга-бир вазиятдан унумли фойдалана олмади.

    • 118'

      Мартин Боакенинг зарбасини Эшмуродов дарвозага қадар ўтказмади.

    • 117'

      Турдалиевнинг зарбасига аниқлик етишмади.

    • 115'

      Жарима майдонига оширилган тўпни Эргашев эгаллаб олди.

    • 113'

      ЙЎҚ! Офсайдда турган Полвонов дарвозабонга ҳалал берган, деб топилди ва бу гол бекор қилинишига сабаб бўлди.

    • 112'

      Ҳакам голни бекор қилиши мумкин. Раҳим Каримов ВАРни кўрмоқда.

    • 110'

      ГООООООООООООООЛ! АГМК ҳисобни тенглаштирди!

      Санжар Шоаҳмедовнинг зарбасидан сўнг тўп дарвозадан жой олди.

    • 110'

      ВАРдаги ёрдамчиларига қулоқ солган рефери пенальти йўқлингини таъкидлади.

    • 108'

      Жарима майдони ичида тўп Эшмуродовнинг қўлига теккан бўлиши мумкин. Ҳакам ВАРни тингламоқда.

    • 108'

      Тўп икки бор "Насаф" дарвозаси устунига тегди.

    • 107'

      Андрия Калудеровичнинг бош билан йўллаган зарбаси ноаниқ кетди.

    • 106'

      Дилшод Саитов ўрнига Жўрабек Маннонов ўйинга қўшилди.

    • 106'

      Иккинчи экстра-таймга старт берилди.

    • 105+2'

      Биринчи экстра-тайм якунига етди.

    • 105+1'

      Яқин масофадан берилган зарбани Эргашев қайтарди.

    • 105'

      Биринчи экстра-таймга 1 дақиқа қўшилди.

    • 105'

      Аҳмадалиевнинг узатмасидан кейин Гадоев ноаниқ зарба берди.

    • 103'

      Андрия Калудерович ўйиндан ташқари ҳолатда қолиб кетди.

    • 101'

      Вақтни чўзгани учун Умиджон Эргашев огоҳлантирилди.

    • 99'

      Зафар Полвоновнинг яқин масофадан берган зарбаси ноаниқ кетди.

    • 98'

      Дилшод Аҳмадалиевга тиббий ёрдам кўрсатилмоқда.

    • 97'

      Шоаҳмедов қулай имкониятни кўкка совурди. Унинг жарима майдони ичидан берган зарбаси ноаниқ кетди.

    • 96'

      Насруллаев катта тезликда олдинга ўтди. Аммо ҳимоячилар жарима майдони ичида уни тўхтатди.

    • 94'

      ГООООООООООООЛ! "Насаф" ҳисобни очди!

      Бурчакдан оширилган тўпни Алибек Давронов дарвозага йўллади.

    • 92'

      Санжар Турсуновнинг жаримадан берган зарбаси ҳимоячилардан ўтмади.

    • 91'

      Биринчи экстра-тайм бошланди!

    • 91'

      Ҳусниддин Ғофуров ўрнига Абдураззоқов ўйинга қўшилди.

    • 90+6'

      Ўйиннинг асосий вақти якунланди. Экстра-таймларга мурожаат қиламиз!

    • 90+5'

      Умиджон Эргашевга тиббий ёрдам кўрсатилмоқда.

    • 90+4'

      Бобур Йўлдошевнинг зарбасини Эргашев қайтарди. АГМК бир зарба билан финалга чиқиши мумкин эди.

    • 90+2'

      Тошматовнинг қанотдан оширган тўпи хавфли тус олди.

    • 90+1'

      Ҳусниддин Ғофуровга тиббий ёрдам кўрсатилмоқда.

    • 90'

      Ўйиннинг асосий вақтига 4 дақиқа қўшилди.

    • 90'

      Дилшод Саитовнинг яқин масофадан берган зарбасини дарвозабон қайтарди. "Насаф" ғалабани илиб кетишига бир баҳя қолди.

    • 88'

      Ҳусаин Норчаев ўрнига Андрия Калудерович майдонга тушди.

    • 86'

      Суҳроб Нуруллоев ўз ўрнини Алибек Давроновга бўшатиб берди.

    • 84'

      Норчаев яқин масофадан зарба берди. Бироқ у офсайдда қолиб кетгани учун ўйин тўхтатилди.

    • 83'

      Қосимов ўрнига Зафар Полвонов ўйинга қўшилди.

    • 83'

      АГМК бурчак зарбасидан наф чиқара олмади.

    • 81'

      Жарима майдони ичида Валижон Раҳимовга нисбатан қоида бузилди. Ҳакам ўйинни тўхтатди.

    • 80'

      Миржамол Қосимовнинг зарбаси тўсин юқорисидан ўтиб кетди.

    • 78'

      Насруллаевнинг жарима майдонига берган узатмаси бартараф этилди.

    • 76'

      Абубакр-Ризо Турдалиев майдонга тушди. У Баҳром Абдураҳимовни алмаштирди.

    • 75'

      Йован Жокич ўз ўрнини Санжар Шоаҳмедовга бўшатиб берди.

    • 74'

      Акром Комиловнинг бош билан йўллаган зарбаси устун ёнгинасидан ўтиб кетди.

    • 73'

      Абдураҳимовнинг жарима майдонига оширган тўпини Раҳимов эгаллаб олди.

    • 72'

      "Аждарлар" стандарт вазиятдан наф чиқара олмади.

    • 70'

      Гадоевнинг узатмаси ноаниқ кетди. 

    • 67'

      Тўп назорати мезбонлар томонга ўтди.

    • 65'

      Ўйинда темп бироз пасайди.

    • 63'

      Касьянь ва Сулаймонов ўрнига Боаке ҳамда Аҳмадалиев ўйинга қўшилди.

    • 61'

      ВАРни кўрган ҳакам тўқнашувда Маркони айбдор, деб топди ва уни майдондан четлатди.

    • 59'

      Марказда Жокич ва Станоевич тўқнашиб кетди. Ҳар икки футболчига тиббий ёрдам кўрсатилмоқда.

    • 57'

      Ҳусаин Норчаевнинг жарима майдони ташқарисидан берган зарбасини Раҳимов ушлаб олди.

    • 54'

      Ғофуровнинг олис масофадан берган зарбаси рекошет натижасида бошқа манзилга йўналди.

    • 52'

      Майдон эгалари тўпни назорат қилмоқда.

    • 50'

      Бозоровнинг қанотдан оширган тўпини ҳимоячилар қайтарди.

    • 48'

      Биринчи бўлимдаги каби иккинчи таймни ҳам олмалиқликлар фаолроқ бошлади.

    • 46'

      Иккинчи таймга старт берилди.

    • 46'

      Футболчилар майдонга қайтди. Биз ҳам қайтамиз.

    • 45+3'

      Танаффус!

    • 45+2'

      Ғолиб Ғайбуллаевга сариқ карточка кўрсатилди.

    • 45'

      Биринчи таймга 2 дақиқа қўшилди.

    • 43'

      Бурчакдан етказиб берилган тўпни "Насаф" дарвозасига йўллайдиган футболчи топилмади.

    • 42'

      Мезбонлар бурчак зарбасини қўлга киритди.

    • 40'

      Сўнгги дақиқалар меҳмонларнинг фаоллиги остида давом этмоқда.

    • 38'

      ЙЎҚ! Марказга кучли зарба берган Ҳусаин Норчаев тўсинни титратди.

    • 37'

      Видеотакрорларни ўз кўзи билан кўрган Раҳим Каримов пенальти белгилади.

    • 36'

      Жарима майдони ичида "Насаф" футболчисига нисбатан қоида бузилган бўлиши мумкин. Ҳакам ВАРни кўрмоқда.

    • 35'

      Станоевичнинг стандартдан узатган тўпини ҳимоячилар узоқлаштирди.

    • 34'

      Тўп назорати "аждарлар" томонда бўлиб турибди.

    • 32'

      Қарши ҳужумга ўтаётган Сулаймоновни йиқитган Абдураҳимов огоҳлантирилди.

    • 30'

      АГМК футболчиси ўйиндан ташқари ҳолатда қолиб кетди.

    • 28'

      Учрашув паст темпда давом этмоқда.

    • 26'

      Ҳусниддин Ғофуровнинг жарима майдони ташқарисидан берган зарбасини Эргашев ушлаб олди.

    • 24'

      Бердиев шогирдлари тўп назоратини қўлга олиш орқали рақиб шаштини пасайтиришга уринмоқда.

    • 22'

      Сулаймоновга сариқ карточка кўрсатилди.

    • 22'

      Бугун Бозоровга нисбатан мезбонлар бироз қўполроқ ўйнамоқда.

    • 20'

      Мезбонлар стандарт вазиятдан наф чиқара олмади.

    • 17'

      Мирғиёс Сулаймонов ҳужумни муваффақиятли якунлай олмади.

    • 15'

      Ўйин Миржалол Қосимов шогирдларининг фаоллиги остида давом этмоқда.

    • 13'

      Йован Жокич огоҳлантирилди.

    • 11'

      Жарима майдонига ёриб кирган Ойбек тўпни офсайддаги шеригига узатди.

    • 9'

      Тўп марказда Бозоровнинг қўлига тегди. Ҳакам ўйинни тўхтатди.

    • 7'

      Курашлар, асосан, майдон марказида кечмоқда.

    • 5'

      АГМК қанотларни фаол ишга солган ҳолда олдинга ўтмоқда.

    • 3'

      Майдон эгалари илк сониялардан тўп назоратига урғу бермоқда.

    • 1'

      Ўйин бошланди!

    • 0'

      Футболчилар майдонга тушиб келди. Старт учун барчаси тайёр!

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Фикрлар

    Фикр қолдириш учун авторизациядан ўтинг!
    &
    Shaymardonov Nurbek Nasimovich
    24/11/2021 16:26
    Ertashiroq Nasaf 10 kishi bulib qolsa bularkan chunki kuchla ting bulib qoldi. uyinni kuradiganla bulsa erkak bulib tan olsa Nasaf 10 kishi bulib qolib ham qancha golli mamentla buldi.
    &
    Shaymardonov Nurbek Nasimovich
    24/11/2021 15:52
    Marko oyogi tegmaganki. Sharmanda lekin. borki sudiya. ikkalasi ham oyogini kutardiki. nimaga bunoqa qilapti sudiya. kutamiz. PFL hodimlari ertaklarini.
    &
    Shaymardonov Nurbek Nasimovich
    24/11/2021 15:23
    Uzi hamma klub urganib qolibti Nasafka kuchi etmasa qupollikni kuchaytersa nimagader erishadi. yo bulmasa sentrdan turib uzoq uzoq. tupni oshiradi gol bulsa gol bulmasa hech bulmasa durak gol buladi. AGMK nichi bor uyinni buzib qupollik bilan Nasaf tuhtatapti. lekin sudiya shunga ham aqli etmaydi. Golibka nimaga kursatdi. Sariqni bulmasa Sariqqa tortmaydiki. undan kura Sanjarga kursat qizil nagli Oybekni tupsiz oyogiga tepdi. kutamiz agar sayt homilari haqqoniy Uzbek fudboli kuchayishini hohlasa. PFL hodimlariga savol berar poliya talapka javob bermasa ham uyin bulaverarkanmi tup umuman. aytkanni qilmaydiki sakrab sakrab. yuradi. AGMK tekis poliya kerak emas chunki AGMK Kuproq uzoq uzoq. yoqoridan oshiradi.

    Минбар

    Барча блоглар