Анчелотти Мадридга Италиядан футболчи олиб келмоқчи

Мадриднинг «Реал» клуби «Наполи»дан испаниялик ярим ҳимоячи Фабиан Руизни харид қилишни мақсад қилган, деб хабар беради Sport.es.

Манбага кўра, футболчи билан «Наполи»да ишлаган «қаймоқранглилар» бош мураббийи Карло Анчелотти  қизиқиш билдирди. 25 ёшли ярим ҳимоячининг трансфери билан «Қироллик клуби» ўзининг ярим ҳимоясини янгиламоқчи. Катта эҳтимол билан трансфер ёзда амалга ошади.

Жорий мавсум А Seriya ўйинларида Руиз 11 учрашувда қатнашиб, учта гол урди, битта голли узатма берди ва битта сариқ карточка олди.

Испаниялик футболчи «Наполи»да 2018 йилдан буён ўйнаб келмоқда. У аввалроқ «Элче» ва «Бетис» клубларида ўйнаган. Transfermarkt портали футболчини 45 миллион еврога баҳоламоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар