"Андижон" тайёргарликни бошлади, таркибда янги футболчилар бор

“Андижон” клуби Виктор Кумиков бошчилигида бугундан Хонободда тайёргарликни бошлади.

Олдин хабар қилинганидек, черногориялик легионерлар – ҳужумчи Богдан Милич ҳамда ярим ҳимоячи Горан Милойка клуб ихтиёрига етиб келишган ҳамда машғулотларга киришишган. Жамоанинг яна бир янги легионери – Владимир Бубанья эса уч кундан кейин “Андижон”га қўшилади.

Жамоа йиғинига шунингдек, истеъдодли дарвозабон Мухриддин Аҳмедов ҳам қўшилган. Ўтган йилги мавсумни Тожикистон чемпионати “Равшан” жамоаси сафида ўтказган посбон у ерда ҳаммаси бўлиб 20 та ўйинда майдонга тушган.

Айни пайтда яна бир қатор ўйинчилар билан музокаралар олиб борилмоқда. Шу сабабли таркибга янги футболчилар қўшилишда давом этади.