“Барселона” мухлислари хурсанд!

“Барселона” расман  Хавини бош мураббий, деб эълон қилди. Клуб матбуот хиўмати Твиттердаги расмий саҳифасида жамоани бундан буён 41 ёшли мутахассис бошқариши ҳақида хабар тарқатди.

- Шундай бўлиши керак эди. Ўз уйингга хуш келибсан, - деб баёнот тарқатди “Барселона” матбуот хизмати. Шунингдек, Хавининг “Барселона” таркибидаги фаолияти давомида энг ёрқин лаҳзаларини акс эттирган видеоролик ҳам намойиш қилинди.

“Барселона” раҳбарияти Хавини олиб келиш учун “Ал-Садд”га 5 миллион евро миқдорида компенсация тўлашга рози бўлган.

Хави 1998 йилдан 2015 йилгача “Барселона” сафида 505 та учрашув ўтказиб, 58 та гол урган. Каталония клубини тарк этганидан кейин 2019 йилгача “Ал-Садд” шарафини ҳимоя қилди. Қатар клубида испаниялик плеймейкер 82 та ўйинда қатнашиб, 21 та гол урган. Шундан кейин ушбу жамоада мураббийлик фаолиятини бошлаганди.

Фикрлар

Фикр қолдириш учун авторизациядан ўтинг!