"Барселона" Педри билан шартномани узайтирмоқчи
"Барселона" клуби раҳбарияти жамоа ярим ҳимоячиси Педрига янги шартнома таклиф қилмоқчи. Бу ҳақда журналист Фабрицио Романо ўзининг твиттердаги саҳифасида маълум қилди.
Юқоридаги манбага кўра, “кўк-анор ранглилар” 18 ёшли испаниялик футболчига молиявий жиҳатдан анча яхшиланган шартнома таклиф қилишни режалаштирмоқда. Томонлар ўртасидаги амалдаги шартнома 2022 йилга қадар имзоланган, аммо унда келишувни яна 2 йилга узайтириш бўйича ҳам махсус банд киритилган.
Педри ўтган мавсум "Барселона" сафида жами 52 та ўйинда майдонга тушди. У ушбу баҳсларда ўз ҳисобига 4 та гол ҳамда 6 та голли узатма ёздириб қўйди.
Испания терма жамоаси сафида Европа чемпионатида ёрқин ўйинлар намойиш этган Педри энди Токиода бўладиган Олимпиадада ҳам иштирок этади.
Фикрлар