"Бавария" юлдузи ўзини бошқа жамоада синаб кўрмоқчи

"Бавария" клуби ҳужумчиси Роберт Левандовски фаолиятини Англиянинг "Манчестер Сити" жамоасида давом эттириши мумкин.

Футболчининг агенти Пина Захави ўз мижозини "шаҳарликлар"га ўтиши борасида устида иш олиб бормоқда. Польшалик форварднинг мюнхенликлар билан амалдаги шартномаси 2023 йилда якунига етади. Шунинг учун клуб Роберт сотувидан пул ишлаб қолиш ниятида. 

Бу мавсумда 33 ёшли голеадор 10 та ўйинда майдонга тушиб, 13 та гол урди ва 1 та голга ҳаммуаллифлик қилди.