"Эл-класико" қаҳрамони: Биз эртароқ ғалаба қозонишимиз мумкин эди

"Реал" ярим ҳимоячиси Федерико Вальверде Испания Суперкубоги доирасидаги "Барселона"га қарши ўйиндан кейин ўз фикрлари билан ўртоқлашди. Феденинг қўшимча бўлимларда урган голи "қироллик клуби"га ғалаба келтирди. 

"Биз ажойиб ишладик, бутун жамоа яхши ўйнайди. Бундай муҳим ўйинда менга имконият берилганидан хурсандман. Очиғи, имкониятлардан кўпроқ фойдаланишимиз керак. Биз эртароқ ғалаба қозонишимиз мумкин эди. 

Гарчи ўйинлар баъзида уларнинг фойдасига ҳал бўлмаса ҳам, "Барселона" "Барселона" бўлиб қолаверади", - дейди футболчи.