Евро-2020. Бельгия - Португалия учрашуви тақдирини биргина гол ҳал этди!

Европа чемпионати нимчорак финал босқичидан ўрин олган навбатдаги ўйин ўз ниҳоясига етди. Унда Бельгия Португалиядан 1:0 ҳисобида устун келди.

Биринчи бўлим якунида Торган Азарнинг жарима майдони ташқарисидан йўллаган аниқ зарбаси дарвоза тўридан жой эгаллади. 

Шу тариқа, Роберто Мартинес бошчилигидаги "қизил иблислар" чорак финал босқичига йўл олди. Энди улар ярим финал йўлланмаси учун Италияга қарши ўйин ўтказади.

Бельгия

  • Торган Азар 42'

ЕВРО - финал 1/8 финал

28/06/2021, 00:00

1
:
0
Тугади

Португалия

    Стадион: Estadio de La Cartuja 11504 томошабин

    Бош ҳакам: Felix Brych

    45'
    90'

    • 90+6'

      Учрашув якунланди. Роналду бошчилигидаги Португалия турнирни тарк этди.

    • 90+5'

      Мартинес сўнгги сонияларда ўзгариш амалга оширди: Гол муаллифи Торган Азар ўрнига Дендонкер ўйинга қўшилди.

    • 90+4'

      Фелишнинг зарбасидан кейин тўп устун ёнгинасидан ўтиб кетди.

    • 90+3'

      Португаллар рақиб жарима майдони атрофида қамал уюштирмоқда. Аммо фойдасиз.

    • 90+2'

      Бруну Фернандешнинг олис масофадан йўллаган зарбаси ноаниқ кетди.

    • 90+1'

      Жарима майдони ичида тўпни тўхтатган Андре Сильва зарба йўллагунича ҳимоячилар уни зарарсизлантирди.

    • 90'

      Ўйиннинг асосий вақтига 5 дақиқа қўшиб берилди.

    • 89'

      Ҳимоячиларни алдашга тушиб кетган Карраско зарба беришга кечикди. Вазият бой берилди.

    • 88'

      Андре Сильванинг яқин масофадан берган зарбасини Куртуа ушлаб олди.

    • 87'

      Эден Азар ўз ўрнини Янник Карраскога бўшатиб берди.

    • 86'

      Роналду ва унинг жамоадошлари сўнгги сонияларгача жанг қилмоқчига ўхшайди. Ҳозирча тиним йўқ.

    • 86'

      Икки рақиб қуршовида қолиб кетган Лукаку тўп йўқотди.

    • 85'

      Португалия бурчак тўпидан унумли фойдалана олмади.

    • 84'

      Лукакуга нисбатан ишлатилган қўполлик натижасида бельгияликлар стандарт вазиятга эга бўлди.

    • 83'

      Рафа Геррейрунинг зарбасидан кейин тўп устундан қайтди. Мана омадсизлик!

    • 82'

      Яқин масофадан берилган зарбани Куртуа қайтариб жамоасини муқаррар голдан сақлаб қолди.

    • 81'

      Фелишни "чопган" Алдервейрелд огоҳлантирилди.

    • 80'

      Фернандешнинг узатмасига Андре Сильва ноаниқ зарба йўллади.

    • 79'

      Португаллар катта куч билан олдинга ўтаётган бўлсада, вазиятларни кескинлаштира олмаяпти.

    • 78'

      Сантуш сўнгги юришни амалга оширди: Палинья ва Ренату Санчеш ўрнига Данилу Перрейра ҳамда Сержио Оливейра ўйинга қўшилди.

    • 77'

      Майдонда катта жанжал бўлмоқда. Вазият "қаҳрамони" Пепега сариқ карточка кўрсатилди. Жабрланувчи ролида Торган Азар.

    • 76'

      Роналдунинг жарима майдони ичидан берган зарбаси кучсиз чиқди. Куртуа осонликча уни эгаллаб олди.

    • 75'

      Эден Азар Брунудан аламини олди. Ҳужумда қоидабузарлик.

    • 74'

      Криштианунинг зарбаси жонли девордагилардан ўтмади.

    • 72'

      Жарима майдонидан узоқ бўлмаган ҳудудда Фелишга нисбатан Вермален қоида бузди. Томасга сариқ карточка, Роналдуга зарба бериш учун қулай имконият.

    • 71'

      Роналду ҳужумда тўп йўқотди. Жамоадошлари уни етарлича қўллаб-қувватламай олмаяпти.

    • 70'

      Бугун умуман ўзига ўхшамаган Жота ўрнига Андре Сильва ўйинга қўшилди.

    • 69'

      Бруну Эден Азарга нисбатан қўполлик ишлатди. Натижада, футболчилар ўзаро тортишиб кетди ва вазиятга ҳакам аралашди.

    • 67'

      Рақиб жарима майдонига кира олмаётган португаллар олис масофадан зарба беришга ҳаракат қиляпти. Аммо ноаниқ.

    • 65'

      Роберто Мартинес шогирдлари зич ва тартибли ҳимояланмоқда. Португалия "қалъа"га ёриб кира олмаяпти.

    • 63'

      Жарима майдони ташқарисидан зарба берган Лукакунинг уринишидан кейин тўп устун ёнгинасидан ўтиб кетди.

    • 62'

      Бруну Фернандеш кераксиз жойда ноаниқ зарба бериб тўп йўқотилишига сабаб бўлди.

    • 61'

      Фелишнинг бош билан йўллаган зарбасини Куртуа бартараф этди.

    • 60'

      Лукакунинг узатмасидан кейин Мертенс бирга-бир вазиятга чиқиб бориши мумкин эди. Бироқ офсайд туфайли ўйин тўхтатилди.

    • 59'

      Тўпни йўқотган Ренату Санчеш Азарга нисбатан қўполлик ишлатди. Кейин жаҳл устида тўпни тепиб юборди. Босиқ Феликс Брих унга оғзаки огоҳлантириш берди.

    • 58'

      Роналдунинг узатмасидан кейин жарима майдони ичидан Жота ноаниқ зарба берди. Ўта қулай имконият кўкка совурилди.

    • 57'

      Сўнгги дақиқаларда португалияликлар катта устунлик билан олдинга ўтмоқда. Бельгия тўпни шунчаки тепиб юборяпти.

    • 55'

      Бруну Фернандеш ва Жоау Фелиш майдонга тушди. Улар Жоау Моутинью ҳамда Бернанду Сильвани алмаштирди.

    • 54'

      Ҳаводан келган тўпни Роналду кучли зарба билан дарвозага йўллади. Алдервейрелд тўпни ўтказмади.

    • 54'

      Рақибдан тўпни олиб қўйган Мертенс пас беришда хато қилди. Лукаку унга жиддий танбеҳ берди.

    • 52'

      Жоау Моутиньюнинг кучли зарбаси йўлига Тилеманс ғов бўлди.

    • 51'

      Эден Азарга нисбатан қўполлик ишлатган Далот сариқ карточка билан жазоланди.

    • 50'

      Торган Азарнинг Мертенс томон узатган тўпини Пепе қайтарди.

    • 49'

      Футболчилар асабийлашмоқда. Қўполликлар сони ортиб кетди.

    • 48'

      Дрис Мертенс Де Брюйне ўрнига майдонга тушди.

    • 47'

      Катта йўқотиш: Кевин Де Брюйне ўзини ноқулай ҳис қилмоқда. У алмаштирилади.

    • 46'

      Иккинчи тайм бошланди!

    • 46'

      Футболчилар қайтди. Биз ҳам қайтамиз!

    • 45+2'

      Танаффус!

    • 45+2'

      Жарима майдонига оширилган тўпга баланд сакраган Роналду ета олмади.

    • 45'

      Биринчи таймдаги тўхталишлар ўрнини қоплаш мақсадида 1 дақиқа қўшиб берилди.

    • 45'

      Майдон марказида Де Брюйнега нисбатан қўполлик ишлатган Палинья огоҳлантирилди.

    • 45'

      Менье қулай позицияда хато пас берди. Бельгиянинг яхши ҳужуми муваффақиятсиз якунланди.

    • 44'

      Португалия жавоб бериш учун дарҳол олдинга ўтди. Аммо ҳужум ноаниқ пас натижасида ўз якунига етмай қолди.

    • 42'

      ГООООООООООЛ! Азар супер зарбаси билан ҳисобни очди!

      Торганнинг жарима майдони ташқарисидан берган кучли зарбасини Патрисиу қайтара олмади.

    • 42'

      Куртуа финт эвазига Роналдуни алдади.

    • 41'

      Рубен Диаш рақиб жарима майдони ичида қоида бузди. Тўп Бельгияга қайтариб берилади.

    • 40'

      Жарима майдонига кирган Бернарду марказга узатма амалга оширди. Вертонген тўпни қайтарди.

    • 39'

      Диогу Далот ўткир бурчаклан ноаниқ зарба берди. Камига, у офсайдда ҳам қолиб кетганди.

    • 37'

      Тома Меньенинг Куарежма услубида йўллаган зарбаси тўсин ёнидан ўтиб кетди. Ёмон эмас!

    • 37'

      Тўпни олиб қўйиб дарҳол олдинга ўтган Бельгиянинг ҳужуми Лукакунинг муваффақиятсиз рейди туфайли узилиб қолди.

    • 36'

      Вертонгем Моутиньюга нисбатан қўполлик ишлатди. Португалияда жарима майдонига пас бериш учун қулай имконият.

    • 34'

      Де Брюйненинг вазиятни кескинлаштирувчи узатмаси ҳимоячидан ўтмади.

    • 32'

      Ўйин анча зерикарли руҳда давом этмоқда. Бу ҳаддан ташқари эҳтиёткорлик ва футболчиларнинг яхши ўрганилганидан далолат.

    • 30'

      Пепе Эден Азарга нисбатан марказда қўполлик ишлатди.

    • 29'

      Португалияликлар майдон бўйлаб тўпни ўзларида ушлаб юрибди. Бельгия прессингда.

    • 27'

      Сўнгги дақиқаларни Сантуш шогирдлари фаолроқ ўтказмоқда.

    • 25'

      Роналдунинг кучли зарбасидан кейин Куртуа тўпни қайтарди. Палиньянинг такрорий уринишини ҳам Тибо ушлаб олди.

    • 24'

      Жарима майдони яқинида Вермален тўпни қўли билан ўйнади. Португалияда жарима зарбаси.

    • 23'

      Португалия минимал имконият максимал фойда чиқаришга ҳаракат қилмоқда.

    • 21'

      Де Брюйне Санчешга нисбатан қоида бузди. Ҳакам ўйинни тўхтатди.

    • 20'

      Шеригидан кроос қабул қилиб олган Роналду офсайдга чиқиб кетди.

    • 19'

      Қанотдан марказга юрган Эден кучли зарба йўллади. Ҳимоячи тўпни ўтказмади.

    • 18'

      Сантуш шогирдлари позицион ҳужум уюштирмоқда. Бельгия тартибли ҳимояланяпти.

    • 16'

      Моутинью ва Витсель ўзаро тўқнашиб кетди. Акселга тиббий ёрдам керак.

    • 14'

      Жуда эҳтиёткор ўйин гувоҳига айланяпмиз. Томонлар таваккалдан чўчимоқда.

    • 12'

      Бельгияликлар тўпни ўзларида ушлаб туриш орқали ўйин тизгинини қўлларида ушлаб турибди.

    • 10'

      Эден Азарнинг зарбасига аниқлик етишмади. 

    • 8'

      Назорат "қизил иблислар"га ўтди. Энди Роналду бошчилигида унинг жамоаси ҳимояланмоқда.

    • 6'

      Илк хавфли вазият Португалияда! Диогу Жотанинг жарима майдони ичидан берган зарбаси ноаниқ кетди.

    • 4'

      Тўп назорати португаллар томонда бўлиб турибди.

    • 3'

      Далотнинг узатмасидан кейин Бернарду тўпга ета олмади.

    • 2'

      Кутилганидек, илк дақиқалардан бельгияликлар фаол старт олди.

    • 1'

      Ўйин бошланди!

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Фикрлар

    Фикр қолдириш учун авторизациядан ўтинг!
    &
    Турсун Ғани
    28/06/2021 02:11
    ЛАЛАКУ ЮБАНЛАР АМАЛЛАБ ЮТИБ ҚЎЙДИ КУ. ПОРТУГАЛИЯ УЧУН АФСУСДАМАН.
    Алишер Зиядуллаев
    28/06/2021 01:58
    Лалаку гандон

    Минбар

    Барча блоглар