"Евро-2020". Швейцарияни йирик ҳисобда мағлуб этган Италия плей-офф йўлланмасини қўлга киритди

Ҳозиргина Европа чемпионати "А" гуруҳи 2-туридан ўрин олган Италия ҳамда Швейцария" терма жамоалари ўртасидаги ўйин ўз ниҳоясига етди. Рим шаҳридаги "Олимпико" стадионида кечган учрашувда мезбонлар 3:0 ҳисобидаги йирик ғалабани қўлга киритди.

26-дақиқада Берардининг узатмасидан сўнг Локателли рақиб дарвозасини ишғол қилиб, ҳисобни очди. 52-дақиқада эса Мануэль жарима майдони ташқарисидан Ян Зоммер қўриқлаётган дарвозага иккинчи голни киритди.

Ўйин сўнггида эса Чиро Иммобиле гол киритиб, ҳисобни йирик кўриниш олишини таъминлади. Шу тариқа, 2 баҳсда 6 очко жамғарган италияликлар муддатидан аввал плей-офф йўлланмасига эга чиқишди.

 

Фикрлар

Фикр қолдириш учун авторизациядан ўтинг!