ЖЧ-2018: Бугун 7 терма жамоа Россияга келади

Россия мундиали яқинлашгани сари унда иштирок этувчи терма жамоалар ҳам секин аста мезбон мамлакатга ташриф буюришмоқда. Айни кунга келиб Эрон, Панама, Испания, Португалия, Исландия ва Саудия Арабистони терма жамоалари Россияга етиб келишган. 

Бугун эса етти терма жамоа ўзлари буюртма берган шаҳар ва меҳмонхонага ташрифи буюриши белгиланган. Булар Марокаш, Миср, Аргентина, Франция, Уругвай, Перу ҳамда Австралия термаларидир.