"Криштиану Роналду 40 ёшгача футбол ўйнайди!"

"Манчестер Юнайтед" юлдузи Криштиану Роналдунинг онаси Долорес Авейру ўғли ҳақида фикр билдирди.

36 ёшли футболчининг фаолиятини қачон тугатиши тўғрисидаги саволга Долорес хоним қуйидагича жавоб берди: "Мен Криштианудан бутсаларингни михга илганингдан сўнг мураббий бўлишни истайсанми?", - деб сўрадим.

У ҳаётдан завқ олишни хоҳлашини айтди. Криштиану 40 ёшгача футбол ўйнайди".

Маълумот учун, 36 ёшли Роналду футболчилик фаолияти давомида "Спортинг", "Манчестер Юнайтед", "Реал" Мадрид ва "Ювентус" клубларида тўп тепган. У расмий ўйинларда энг кўп гол урган футболчи ҳисобланади.