"Ливерпуль" - "Манчестер Сити": Матнли трансляция

Бир неча дақиқалардан сўнг АПЛ 7-туридан ўрин олган "Ливерпуль" - "Манчестер Сити" баҳси старт олади. Мазкур ўйиндан онлайн трансляцияни сайтимиз орқали кузатиб боришингиз мумкин:

  • 90+4'

    Учрашув якунланди. Марказий ўйинда кучлар тенг келди!

  • 90+3'

    "Сити" бурчакдан тўпни ўйинга киритиш имкониятни қўлга киритди. Бу сўнгги имконият.

  • 90+2'

    Де Брюйненинг узатмасини Ван Дейк тўхтатиб қолди.

  • 90+1'

    Габи Жезус яна бир имкониятни кўкка совурди. Унинг яқин масофадан берган зарбаси ҳимоячидан ўтмади.

  • 90'

    Ўйиннинг асосий вақтига 4 дақиқа қўшилди.

  • 88'

    "Шаҳарликлар"нинг позицион ҳужумлари ҳамон давом этмоқда.

  • 86'

    Фабиньо бўш қолган дарвозани ишғол эта олмади. Родри вазият қаҳрамони.

  • 84'

    Кутилмаганда, Кайл Уокер зарба берди ва кутилганидек, ноаниқ!

  • 83'

    Жарима майдони яқинида Бернардуга нисбатан қоида бузилди. Зарба учун қулай нуқта.

  • 81'

    ГОООООООООООООЛ! "Сити" ҳисобни тенглаштирди!

    Кевин Де Брюйненинг кучли зарбасидан сўнг тўп Матипга тегиб дарвозадан жой олди.

  • 79'

    Стерлинг берган пасни Гомес қайтариб юборди.

  • 78'

    "Шаҳарликлар" дарҳол жавоб қайтариш учун олдинга ўтмоқда.

  • 76'

    ГОООООООООООООООЛ! "Ливерпуль" ҳисобда олдинга ўтиб олди!

    Салаҳнинг 3-4 рақибини алдаб, жарима майдонига ёриб кирди ва ўткир бурчакдан аниқ зарба берди.

  • 74'

    Гвардиола реферига жиддий эътироз билдирди. 4-ҳакам уни тинчланишга чақирди.

  • 72'

    Хендерсон Сильвага нисбатан қоида бузди.

  • 71'

    "Шаҳарликлар" кичик устунлик билан ўйинни давом эттирмоқда.

  • 69'

    ГООООООООООООООООЛ! "Сити" ҳисобни тенглаштирди!

    Жезусдан пас қабул қилиб олган Фоден ўткир бурчакдан дарвозани ишғол этди.

  • 68'

    Диогу Жота ўз ўрнини Роберто Фирминога бўшатиб берди.

  • 67'

    Жэк Грилиш ўз ўрнини Рахим Стерлингга бўшатиб берди.

  • 65'

    Жарима майдони яқинида Жота қоида бузди ва огоҳлантирилди.

  • 63'

    Салаҳнинг уринишидан сўнг тўп жонли деворга тегди.

  • 62'

    Жарима майдонига яқин ҳудудда Родри қоида бузди. "Ливерпуль"да стандарт вазият.

  • 61'

    Олдинга югуриб чиққан Эдерсон тўпга Манедан олдин етиб келди.

  • 59'

    ГОООООООООООООЛ! Учрашувда ҳисоб очилди!

    Салаҳнинг узатмасидан сўнг Мане бирга-бир вазиятдан дарвозани ишғол этди.

  • 57'

    Клопп шогирдлари нисбатан фаоллашди.

  • 56'

    Жарима майдони чизиғида Салаҳ Канселу томонидан тўхтатилди.

  • 54'

    Жезус кўп вазиятларда жамоасига панд бериб қўймоқда. Бу сафар у қарши ҳужумни давом эттира олмади.

  • 53'

    "Қизиллар" жарима майдонига яқин ҳудудда стандарт вазиятга эга бўлди.

  • 51'

    Габи Жезус яна йиқилиб тушди. Ҳакам бу сафар ҳам унга ишонмади.

  • 50'

    Жотанинг бу сафарги уринишидан сўнг Эдерсон тўпни қайтарди.

  • 49'

    Диогу Жота икки рақибини чалғитди. Аммо Диаш хавфни бартараф этди.

  • 48'

    "Шаҳарликлар" иккинчи 45 дақиқаликда ҳам тўпни назорат қиляпти.

  • 46'

    Иккинчи таймга старт берилди!

  • 46'

    Футболчилар майдонга қайтди. Биз ҳам қайтамиз!

  • 45+1'

    Биринчи таймда ҳисоб очилмади. Танаффус!

  • 45'

    Биринчи таймдаги тўхталишлар ўрнини қоплаш мақсадида 1 дақиқа қўшилди.

  • 44'

    Фоден бирга-бир вазиятга чиқиб Алиссонни алдашга ҳаракат қилди. Дарвозабон тўп йўналишини ўзгартириб, хавфни бартараф этди.

  • 43'

    "Шаҳарликлар" стандартдан фойдалана олмади.

  • 42'

    Филь Фоденни йиқитган Мильнерга сариқ карточка кўрсатилди.

  • 41'

    Жоэль Матип Жезус-Грилиш комбинациясини тўхтатди.

  • 40'

    Кевиннинг бу сафарги уринишидан кейин тўп яна ҳимоячига тегди.

  • 40'

    Бўлим сўнгига келиб "Сити" ўйин тизгинини тўлиқ қўлга олди.

  • 38'

    Жезуснинг нотўғри пасидан сўнг Кевин ноқулай зарба берди ва тўп ҳимоячидан ўтмади.

  • 36'

    Бир неча рақибини алдаб жарима майдонига яқинлашган Матип остонада тўхтатилди.

  • 34'

    Фоденнинг узатмасига "учиб келган" Де Брюйне ноаниқ зарба йўллади.

  • 32'

    Грилишнинг ўткир бурчакдан берган зарбасини Алиссон қайтарди.

  • 32'

    Жарима майдони ичида йиқилиб тушган Фоденга ҳакам ишонмади.

  • 31'

    Жордан Хендерсон воқеалар ривожидан бироз илгарилаб кетди.

  • 30'

    Жамоалар ҳужумдан кўра ҳимояда анча ишончли ҳаракат қиляпти.

  • 28'

    "Сити"нинг навбатдаги ҳужуми Фоденнинг ноаниқ узатмаси туфайли якунига етмай қолди.

  • 26'

    Жотага нисбатан қоида бузган Рубен Диаш огоҳлантирилди.

  • 24'

    Ўйин темпи бироз пасайди. Томонлар эҳтиёткорлик билан олдинга ўтмоқда.

  • 22'

    Мильнер ҳужумда қоида бузди. Эдерсон эркин зарба билан тўпни ўйинга киритади.

  • 21'

    Рақибнинг 7 футболчисини алдаган Бернарду Фоденни бирга-бир вазиятга чиқарди. Филнинг бўш зарбасини дарвозабон қайтарди.

  • 19'

    Де Брюйненинг ажойиб пасини Фоден нотўғри манзилга йўллади.

  • 18'

    Прессинг уюштирган меҳмонлар Алиссонни хато қилишга мажбур этди. Аммо Габи Жезус давом эттира олмади.

  • 17'

    Сильва қанотдан хавфли узатма амалга оширди. Жезусга келаётган тўпни Робертсон қайтарди.

  • 15'

    Жэк Грилишнинг зарбасини Матип дарвозага қадар ўтказмади.

  • 13'

    Гвардиола жамоаси ўйин тизгинини онгли равишда рақибга бераётгандек кўринмоқда.

  • 11'

    Диаш Манени қоида бузиш эвазига тўхтатди. Ҳакам хуштагини чалди.

  • 10'

    Де Брюйне узатган тўпга Жезус ета олмади.

  • 9'

    "Шаҳарликлар" ўз услубига содиқ қолган ҳолда тўп назоратига эътибор қаратмоқда.

  • 7'

    Салаҳнинг кучли зарбаси жарима майдони ичидагилар томонидан блокланди.

  • 6'

    "Сити"да кутилмаган ҳолат: пасларга аниқлик етишмаяпти.

  • 5'

    Ҳимояга қайтган Жезус тўпни жамоасига олиб берди.

  • 4'

    Де Брюйне берган пасни Грилиш тўхтата олмади.

  • 3'

    Фоден ўйиндан ташқари ҳолатда қолиб кетди. Ҳакам хуштагини чалди.

  • 2'

    Хендерсоннинг қанотдан узатган тўпини Ляпрот қайтарди.

  • 1'

    Учрашувга старт берилди!

  • 0'

    Баҳс Рожер Хант хотираси учун бир дақиқалик сукут билан бошланади.

  • 0'

    Бугунги ўйин қаҳрамонлари майдонга тушиб келди. Старт учун барчаси тайёр!

Фикрлар

Фикр қолдириш учун авторизациядан ўтинг!