Месси бу кўрсаткични қайд этган Жанубий Америкадаги илк футболчи!

Жаҳон чемпионати саралаш босқичида Аргентина ва Уругвай терма жамоалари ўзаро баҳс олиб борди. Ўйин "альбиселесте"нинг 3:0 ҳисобидаги ғалабаси билан якунланди.

Учрашувдаги биринчи гол аргентиналиклар юлдузи Лионель Месси томонидан киритилди. Бу ПСЖ ҳужумчиси учун терма жамоадаги 80-гол сифатида қайд этилди. Месси бу кўрсаткични қайд этган Жанубий Америкадаги илк футболчи. Иккинчи ўрин 77 та гол урган бразилиялик Пелега тегишли.

Шунингдек, 34 ёшли футболчи терма жамоа сафида 80 та гол урган тарихдаги 5-футболчига айланди. Бунга қадар Криштиану Роналду (Португалия), Али Дайи (Эрон), Мохтар Дахари (Малайзия) ҳамда Ференц Пушкаш (Венгрия) бу довондан ўтишга муваффақ бўлган.

Фикрлар

Фикр қолдириш учун авторизациядан ўтинг!