Месси "ПСЖ"нинг келгуси учрашувида майдонга тушадими?

ПСЖ ҳужумчиси Лионель Месси Франция чемпионати 7-туридан ўрин олган "Метц" билан учрашувда жамоасига ёрдам беролмайди.

Бу ҳақда клуб расмий сайти хабар бермоқда. Месси "Лион" билан бўлган ўйинда (2:1) тиззасидаги кичик жароҳати билан майдонни оқсоқланган ҳолда тарк этганди.

Бугун аргентиналик футболчи МРТ текширувидан ўтди ва унда суякнинг шикастланиш белгилари аниқланди. Леога 48 соат ичида ташхис қўйилиши керак.

Маълумот учун, "Метц" - ПСЖ учрашуви эртага, 22 сентябр куни Метцдаги "Мунисипал Сейнт-Симфорьен" стадионида бўлиб ўтади. Учрашув Тошкент вақти билан соат 00:00 да бошланди.