Минимал ҳисобдаги ғалаба эвазига "Пахтакор" энг яқин таъқибчисидан 4 очкога илгарилаб кетди
Ўзбекистон Суперлигаси 6-турининг қолдирилган ўйини ўтказилди. Унда амалдаги чемпион "Пахтакор" "Андижон" устидан 1:0 ҳисобида ғалаба қозонди.
Беллашув тақдирини 17-дақиқада "шерлар" футболчиси Шерзод Темиров томонидан киритилган гол ҳал этди. Сайфиевнинг қанотдан етказиб берган тўпини Темиров дарвозага тўғирлаб юборди.
Шу тариқа, очколари сонини 26 тага етказиб олган "Пахтакор" энг яқин таъқибчисидан 4 очкога илгарилаб кетди. 13-поғонадаги "Андижон" ҳисобида ҳамон 4 очко мавжуд.
Фикрлар