"Насаф" "Машъал"ни йирик ҳисобда енгди ва кичик таътилга чиқди
“Насаф” клуби бугун давралар оралиғидаги тайёргарлиги доирасида иккинчи назорат учрашувида майдонга тушди.
Бу сафарги рақиб Муборакнинг “Машъал” жамоаси бўлди. Учрашув 4:0 ҳисобида “Насаф” жамоасининг йирик ғалабаси билан якунланди. Беллашувдаги голларга Умарбек Эшмуродов, Марко Станоевич, Сардор Саъдуллаев ҳамда “Металлург”дан қайтган Дониёр Нарзуллаев муаллифлик қилишди.
Шундай қилиб, Рўзиқул Бердиев жамоаси бугундан кичик таътилга чиқди. “Aждарлар” энди 25 июль куни тўпланади ва футболчилар тиббий кўрикдан ўтказилади, - дея хабар бермоқда, “Насаф” матбуот хизмати.
Фикрлар